ஒரே நிமிடத்தில் திருமண பொருத்தம்

நட்சத்திரங்கள் மொத்தம் 27.இதில் உங்கள் நட்சத்திரத்திலிருந்து எத்தனையாவது நட்சத்திரமாக துணைவரின் நட்சத்திரம் வருகிறது என பாருங்கள்..

உதாரணமாக 27 நட்சத்திரங்களின் பட்டியல் கொடுத்துள்ளேன்.

அசுவனி,

பரணி,

கிருத்திகை,

ரோகிணி,

மிருகசீர்ஷம்,

திருவாதிரை,

புனர்பூசம் ,

பூசம்,

ஆயில்யம்,

மகம்,

பூரம்,

உத்தரம்,

அஸ்தம்,

சித்திரை,

ஸ்வாதி (சுவாதி),

விசாகம்,

அனுஷம்,

கேட்டை,

மூலம்,

பூராடம்,

உத்திராடம்,

திருவோணம்,

அவிட்டம்,

சதயம்,

பூரட்டாதி,

உத்திரட்டாதி,

ரேவதி

இவற்றில் உங்கள் நட்சத்திரத்தில் இருந்து 3,5,7,12,21,25 வது நட்சத்திரமாக துணைவரின் நட்சத்திரம் வந்தால் பிரிவு,மனவருத்தம்,விவாகரத்து ,குறை ஆயுள்,குழந்தை இன்மை,அசுபம் போன்ற பலன்கள் ஏற்படலாம்.

இவை தவிர்த்த நட்சத்திரங்களில் முக்கியமான பொருத்தங்களான...,

தினபொருத்தம்,கணபொருத்தம்,யோனிபொருத்தம்,ராசி பொருத்தம்,ரஜ்ஜு பொருத்தம் வர வேண்டும்..இவை இல்லாதவை பொருத்தம் இல்லை..பத்து பொருத்தங்களில் இந்த ஐந்து பொருத்தங்கள் மிக அவசியம்.

தினப்பொருத்தம்;

பெண் நட்சத்திரம் தொடங்கி ஆண் நட்சத்திரம் வரை எண்ணி வர,2,4,6,8,9,11,13,15,18,20,24,26 வது நட்சத்திரமாக வந்தால் தினப்பொருத்தம் உண்டு..இதன் பலன் செல்வாக்குடன் வாழ்தல்,தம்பதிகள் ஒற்றுமை.

கணப்பொருத்தம்;

செல்வ வளத்துடன் வாழ்தல் குறிக்கும் பொருத்தம்,இருவர் நட்சத்திரமும் ராட்ஷ கணமாக இருத்தல் கூடாது..தேவகணம்,மனுஷ கணம்,ராட்ஷகணம் என பிரிக்கப்பட்டிருக்கும்..தேவ கணம்-தேவ கணம்,மனுஷ கணம்-மனுஷ கணம் பொருத்தம் உண்டு.

மஹேந்திரபொருத்தம்;

பெண் நட்சத்திரம் தொடங்கி,எண்ணும்போது ஆன் நட்சத்திரம் 1,4,7,10,13,16,19,22,25 வது நட்சத்திரமாக வரக்கூடாது..இதன் பலன் குழந்தை பாக்யம்.ஆயுள் விருத்தி.

யோனி பொருத்தம்;

பெண்ணின் யோனிக்கும் ஆணின் உறுப்புக்கும் உள்ள அளவை பற்றி,நட்சத்திரவாரியாக சொல்லப்படும் கணக்கு என்பார்கள்...அதாவது தாம்பத்தியம் செக்ஸ் திருப்தியை பற்றி சொல்லக்கூடிய முக்கியமான பொருத்தம்...நமீதா மாதிரி இருக்குற பொண்ணுக்கு,சோம்பேறியை கட்டி வெச்சா என்னாகும்..?

அதே போல மர்ம உறுப்புகளின் பலத்தை பத்தியும் சொல்ற முக்கியமான இடம் இதுதான்...

ஒவ்வொரு நட்சத்திரத்திற்கும் ஆடு,குதிரை,சிங்கம் என யோனி பிரிக்கப்பட்டிருக்கும்...அதற்கு பகையான யோனியும் சொல்லப்பட்டிருக்கும்..பகை யோனி நட்சத்திரங்களை சேர்க்க கூடாது...விடிய விடிய சம்போகம் செய்யும் ஆணுக்கும்,சம்போகமே பிடிக்காத பெண்ணுக்கு அதாவது அளவோடு இருக்குற பொண்ணுக்கும் கலயாணம் பண்ணி வெச்சா சொல்லாம கொள்ளாம அந்த பொண்ணு ஓடிப்போயி போலீஸ் ஸ்டேசன்ல நின்னு என் கணவர் வரதட்சணை கொடுமை பண்றார்னு சம்பந்தம் இல்லாம கேஸ் கொடுக்கும்...

அதிக ஆசை உள்ள பெண்ணுக்கு,பெண்ணை தொட்டவுடன் மேட்டர் அவுட் ஆகிடுற ஆணை கட்டி வெச்சா...அவள் மூடு அடங்காமல் ,தவிப்பாள்.நல்ல குடும்ப பெண்ணா இருந்தா ஆன்மீகம் வழியில் திரும்பிடுவாள்..மண்ணு திங்கிற உடம்புன்னு நினைச்சிட்டா..கதை கந்தல்..பக்கத்து வீட்டுக்காரனுக்கு அடிச்சது அதிர்ஷ்டம்.

ராசிபொருத்தம்;

பெண் ராசிக்கு புருஷன் ராசி 2 வது ராசியானால் மரணம்,3 வது ராசி துக்கம்,4 வது ஏழ்மை,5 வது ராசி வைதவ்யம்.6 வது ராசி புத்திர நாசம்,7 வது உத்தமம்.மாங்கல்யம்,ஆயுள் விருத்தி,8 வது அதிக புத்திர லாபம்,9 வது செளமங்கல்யம்,10 வது ஐஸ்வர்யம்,11 வது சுகம்,12 வது ஆயுள் விருத்தி,

ரஜ்ஜு பொருத்தம்;

மாங்கல்ய பொருத்தம் என்னும் இருவரது ஆயுளை பற்றி சொல்லும் முக்கியமான பொருத்தம்.27 நட்சத்திரங்களையும் சிரசு ரஜ்ஜு,பாத ரஜ்ஜு,தொடை ரஜ்ஜு,உதர ரஜ்ஜு,என பிரித்திருப்பார்கள்..கணவன்,மனைவி நட்சத்திரங்கள் ஒரே ரஜ்ஜுவில் இருந்தால் கண்டம்,நஷ்டம்,விபத்து என சொல்கிறது..இரண்டு நட்சத்திரங்களும் வேறு வேறு ரஜ்ஜுவில் இருந்தால் பொருத்தம் உண்டு.